Súmate á Marea Laranxa con Mahou!

Desde o cume de Segunda LNFS, o Pescados Rubén Burela FS e Mahou únense no duelo deste sábado con Real Betis Futsal, no Partido Mahou (17.00 horas, TVG2 // www.lnfsdirecto.es). Vista Alegre asolagarase de cor para formar unha gran Marea Laranxa na bancada que impulsará os pupilos de Juanma Marrube nunha das xestas máis importantes da tempada, para defender o liderado ante un rival directo, un dos grandes candidatos ao ascenso, que recalará na Bomboneira como máximo goleador e menos goleado da categoría, con tan só tres puntos de desvantaxe cos galegos.

Xogo Mahou Cinco Estrelas

Durante o descanso do partidazo da xornada, co liderado en xogo, a cervexeira porá en marcha o xogo de Mahou Cinco Estrelas, no que se premiará a puntería da afección sobre a pista de Vista Alegre. O/a máis acertado/a conseguirá a súa camiseta oficial do Pescados Rubén Burela FS con Mahou.

Ademais, Mahou co obxectivo de desenvolver experiencias innovadoras coas persoas, pon en marcha unha promoción a través da que, por cada entrada anticipada (non soci@) ou por cada carné de abonado presentado na sede do club, os afeccionados poderán gozar dunha cervexa antes do partido en Parrillada Jandro, Palacio de Cristal ou cafetería Vista Alegre.