Actualidade
Semana sen liga, semana de Seleccións
A liga de Primeira RFEF volverá descansar a vindeira semana, coincidindo coa fase final do Campionato de España de Seleccións Sub-21 que se disputará en Cataluña (24 e 25 de febreiro).
Galicia pelexará polo título tras conseguir a clasificación en Redondela a finais de xaneiro, coa laranxa Judith como capitá. O municipal de Salou acollerá a cita; o sábado 24 pola mañá disputaranse as dúas semifinais: Andalucía-Murcia (10:00) e Cataluña-Galicia (12:00), mentres que a final se xogará o domingo 25 (11:00).
A 15 mariñá está participando na preparación para a gran final, a expensas da convocatoria definitiva, pero non será a única xogadora do Pescados Rubén Burela FS con compromisos de selección durante estes días. Julia Forsiuk tamén foi convocada para unha concentración de cinco días con Ucraína, entre o luns 19 e o venres 23, en Portugal, con dous amigables na súa axenda.
Regreso ao grande
As pupilas de Julio Delgado e Lucas regresarán á competición o sábado 3, co gran reto da segunda volta, a visita a Vista Alegre do líder, Atlético de Madrid Navalcarnero (18.30 horas).
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas