Manuel Blanco, candidato á presidencia do CD Burela FS
No prazo de presentación de candidaturas á xunta directiva do CD Burela FS Pescados Rubén que finalizou o mércores 15, a Comisión de Garantías Electorias recibiu en tempo e forma a proposta de Manuel Blanco Fanego como novo presidente do club laranxa. O ata agora vicepresidente e tesoureiro da entidade encabeza a única candidatura presentada ás eleccións do 1 de xuño. José Luis Sáez Castro, antigo director xeral e vogal, asumirá a vicepresidencia; Antonio Couto Díez manterase como secretario e Rubén Blanco Fernández, fundador de Pescados Rubén, únese ao proxecto como tesoureiro.
José Ramón González Casas incorporarase á lista de vogais, xunto á continuidade dos empresarios Auditor Rodríguez Lombardía e Javier Cora Díaz e o funcionario Marcelino Luna Almarza; o regreso de Luis Antonio Guillén Menéndez, empregado de Alcoa, e Alberto Fernández Rouco, traballador da construción, que xa formaron parte da historia directiva da entidade; ademais das novidades dos empresarios pesqueiros Ángel Véquez Fernández e Lino Quelle Casariego, a nutricionista Alba Vila Reija, José Ángel Dovale Gradaílle, traballador de Liteyca, e Carlos Neira Pena, fundador de Frenos Carpe.
O sábado 1 de xuño procederase á proclamación da nova Xunta Directiva (salón de conferencias de Burela), de acordo co artigo 6 do regulamento electoral.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas