Cuarta vitoria consecutiva do Burela FS Feminino, que conserva o liderado
O equipo mariñán impúxose desde o principio cun dominio case absoluto. Aos seis minutos de xogo xa tomaba a dianteira grazas a un tanto de Dani, logo de aproveitar unha presión de Dolo na saída do balón. Sen tempo para dixerir o primeiro tanto por parte do combinado visitante, Dani volvería facer o segundo aproveitando un pase longo de Peque. As xogadoras madrileñas apenas inquietaban o marco de Jozi, malia que fixeron un tanto aos doce minutos por mediación de Martica.
Non houbo máis goles, a pesar de que durante o segundo tempo as xogadoras laranxas tiveron as suficientes ocasións como para facer varios tantos máis. O Soto del Real deixábase facer e só os paus evitaron a goleada. Aínda así, as visitantes aventuráronse a xogar con porteira xogadora nos últimos minutos, pero o atrevemento non tivo máis resultado que a cuarta vitoria do curso para as de Pardeiro, que conservan o liderado.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas