Actualidade
Táboas en Poio (2-2)
As Guerreiras pecharon o segundo amigable da pretempada en táboas, esta tarde na pista do Poio Pescamar FSF (2-2). Era o test inaugural para o Pescados Rubén cun rival de Primeira División, despois da estrea do sábado do Memorial José Huerta-Pablo Cortina de Villaviciosa, e deron o talle cunha rotación moi equilibrada e indo de menos a máis.
Adiantou ao Pescados Rubén Dany no minuto 8. Elena Aragón y Peque tiveron unha de ouro en dobre penalti, no 14, con posterior rexeite. Non aproveitaron as mariñás esta oportunidade e afinou puntería o conxunto local para devolver a igualada, cunha ex da escuadra laranxa, a coruñesa Luci, tras unha falta. Antes do descanso, para mágoa dos intereses burelistas o Poio púxose por diante con Ana Rivera, nun balón pola banda.
Deron un paso adiante en intensidade e agresividade as de Julio Delgado no regreso, con moitas chegadas ante un Poio que xerou pouco. Aínda así a rede pontevedresa resistiu ata o minuto 37, cando Cristina puido recuperar as táboas, tras un roubo e parede con Jenny.
Ficha técnica
Poio Pescamar FSF: Caridad, Daniella, Carolina, Iraia, Luci, cinco inicial; tamén xogaron Antía, Miriam, Ana Rivera, Julia, Irene
Pescados Rubén Burela FS: Sandra Buzón, Peque, Jenny, Bea Mateos, Elena Aragón, cinco inicial; tamén xogaron Dany, Ale de Paz, Cilene, Cristina, Cami, Lara Balseiro, M. Cortés, Jozi
Goles: 0-1, minuto 8, Dany; 1-1, minuto 15, Luci; 2-1, minuto 19, Ana Rivera; 2-2, minuto 37, Cristina
Árbitros: Otero Baltasar // Pérez Núñez. Por Poio amarela a Caridad. Por Burela amarela a Julio Delgado.
Incidencias: Partido de pretempada disputado no pavillón da Seca (Poio).
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas