2020/21 Club deportivo Burela Fútbol Sala Único club con equipos masculino e feminino en primeira división
Pescados Rubén
Novas
11/09/2020
Lara Balseiro e Javi Rodríguez presentan a tempada en Viveiro acompañados da alcaldesa María Loureiro
Panorámica de Viveiro
Lara Balseiro e Javi Rodríguez visitaron Viveiro como representantes do Pescados Rubén Burela FS para presentar a tempada 2020/21 e atoparse coa alcaldesa da poboación, María Loureiro, quen os recibiu cos brazos abertos. Con ela falamos sobre como se presenta a nova tempada para as duas plantillas, o apoio do club por loitas sociais como a igualdade e a aposta pola canteira, e sobre todo o que ten que ofrecer Viveiro como un dos lugares turísticos únicos na Mariña.



María Loureiro: "Moita xente descoñece A Mariña e por mor de ver os partidos descobren un sitio descoñecido ao que vir"


"Viveiro é un sitio único, que ofrece aos visitantes diferentes modalidades de visita. Moita xente descoñece A Mariña e por mor de vir ver os partidos, de ver os partidos na televisión, descobren un sitio descoñecido ao que vir", comenta a alcaldesa de Viveiro, quen non dubida en recoñecer que "é bo para toda a comarca que un equipo como o Pescados Rubén Burela FS compita a nivel nacional tanto en feminino como en masculino".

Lara Balseiro: "O noso club ponnos os mellores profesionais e os mellores medios para que os resultados cheguen"


"Os meus inicios foron aquí, en Viveiro, e creo que non hai lugar mellor para gozar do que máis me gusta" comenta Lara, quen sente un agarimo especial por este concello. "É fundamental a aposta que está a facer o club e o paso que deu por medio do convenio colectivo. Nós damos o 100%, pero sería moi difícil alcanzar os obxectivos se non tivésemos os mellores medios. O noso club é pioneiro niso, ponnos os mellores profesionais e os mellores medios para que os resultados cheguen. Formamos o tándem perfecto e os títulos están chegando".

Javi Rodríguez: "O equipo está ansioso por competir e empezar con bo pé a tempada"


"É a liga máis competitiva a nivel mundial", asegura o noso xogador Javi Rodríguez, pero recoñece que o equipo está ansioso por comezar a competir e loitar polos seus obxectivos: "vai ser unha tempada atípica. Levamos adestrando xa un mes e esperemos que o protocolo estea aprobado para que a principios de outubro podamos comezar, xa que o equipo está ansioso por competir e empezar con bo pé a tempada. Isto vai marcar a diferenza das dinámicas, de polo que queres loitar, porque vai ser unha tempada igualada".

A gran oferta turística de Viveiro


Na nosa visita a Viveiro camiñamos por tres lugares que son de visita obrigada para calquer turista que queira vir gozar do pobo. Á marxe das súas praias, como a coñecida Praia de Area ou a Praia de Covas.

Miradoiro de San Roque


No máis alto do Monte de San Roque atópase un dos lugares preferidos dos veciños para gozar dun día tranquilo en plena natureza e cunhas vistas inmellorables. No Miradoiro de San Roque pódese contemplar, desde máis de 300 metros de altura e cunha vista privilexiada, a Ría de Viveiro e a Praia de Covas. Na cima sitúase a Capela de San Roque, protagonista de moitas das lendas mariñeiras da zona.

Centro histórico


Viveiro tamén é coñecido polo seu tranquilo e precioso centro histórico, onde a oferta de tendas e locais de hostalería é moi rica. Un lugar perfecto para pasear e pasar unha agradable tarde, mentres probamos algúns dos mellores manxares da zona, como a merluza do pincho de Viveiro. Mención especial á Porta de Carlos V, símbolo da cidade.

Souto dá Retorta


O Souto dá Retorta é un lugar privilexiado en Galicia que é visita obrigada para quen está coñecendo A Mariña. Un lugar de película no que atoparse con auténticos xigantes no medio do bosque galego. No eucaliptal de Chavín atópanse algúns dos exemplares de maior altura de Europa. O avó, plantado sobre a década de 1880, mide máis de 67 metros de altura e ten 10,5 metros de perímetro.
Publicidade
X Pechar