06/08/2020

Jenny Santos continúa un ano máis con Pescados Rubén

O ala cumprirá o seu cuarto exercicio con Pescados Rubén Burela FS, presentándose como a quinta renovación do equipo
Jenny Santos continúa un ano máis con Pescados Rubén

A lusa Jenny Santos reafirma un ano máis o seu compromiso co proxecto laranxa. O ala cumprirá o seu cuarto exercicio con Pescados Rubén Burela FS, presentándose como a quinta renovación do equipo para a tempada 2020-21.

A actual situación provocada pola pandemia fai que o regreso sexa un tanto atípico, polo que Jenny ten claro o que pide para esta nova tempada. “Esta nova tempada vai ser diferente pola situación do covid, pero espero que as cousas melloren e non haxa máis interrupcións”.

Despois de dous anos no equipo e sumando cinco títulos co Pescados Rubén, a xogadora síntese con novas forzas para afrontar este reto que se presenta. “Pasáronseme voando estas vacacións. Parece que foi onte cando rematamos a liga, pero gocei moito e recarguei pilas”.

Por suposto, estes ánimos chegan acompañados de altas expectativas para o equipo. “O noso obxectivo é gañar todos os títulos nos que compitamos, que as lesións nos respecten e que poidamos gozar ao máximo”.

Esta volta vén acompañada da ausencia da afección e Jenny está segura de que a botará de menos nos partidos, aínda cando demostra a súa confianza e agarimo polos seguidores do equipo. “A de Burela é a mellor afección de España; sempre nos achega un plus, é imposible non botala de menos. Oxalá nos poidan acompañar axiña”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.