14/02/2020

Novo obxectivo, mesmo rival: Leganés

Novo obxectivo, mesmo rival: Leganés
Tan só unha semana despois da clasificación do Pescados Rubén Burela FS para a final four de Copa da Raíña na pista do Leganés Masdeporte, a liga volve conducir as Guerreiras a La Fortuna para disputar este sábado, ás 19.15 horas, a xornada 20.

“Foi un partido moi difícil pero serviunos para corrixir erros para a liga e poder regresar cos tres puntos” apuntaba Jane, autora do gol da vitoria da semana pasada (1-2) tras un partido no que lles tocou sufrir ás mariñás: “Tivemos posesión, xogo e ocasións pero debemos estar máis concentradas nos últimos metros; temos que ser máis efectivas” puntualizaba a brasileira.

O conxunto galego ten moi presente a súa última cita. Desde a segunda praza (52 puntos), as pupilas de Julio Delgado e Lucas volveranse atopar cun rival extramotivado, coma na Copa, que pelexa por afastarse da zona de perigo, ocupando a 12ª posición (15 puntos); nesta segunda volta só puido puntuar ante o pechacancelas, Xaloc Alacant (1-5).

Na ida os tres puntos quedaronen Vista Alegre, con 3-1.

Ás ausencias de Ana Romero e Cami, ademais da enfermidade de Ale de Paz, súmanse Jenny Lores, por molestias nun xeonllo tras unha caída en La Fortuna o sábado, e Bea Mateos, por unha contusión nun pé.

Convocatoria Leganés Masdeporte: Luci, Chuli, Patry Montilla, Saki, Puche, Ampi, Patri Blázquez, Guti, Stone, Yrezábal, Elena Aragón, Sandra

Convocatoria Pescados Rubén Burela FS: 1. Jozi, 3. Dany, 4. Cris Lourés, 5. Cristina, 6. Cilene, 7. Peque, 9. Jenny, 10. Lara Balseiro, 11. Jane, 13. Lucía Paz, 19. Luci

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.