09/01/2020

Arrinca a segunda volta na Bomboneira

Arrinca a segunda volta na Bomboneira
Vista Alegre recupera o horario habitual dos sábados ás 18.30 para a liga de Primeira Masculina, coa estrea na casa para os de Juanma Marrube en 2020. Na xornada 17, o Pescados Rubén Burela FS recibirá o Osasuna Magna, que recala na Mariña na quinta praza (31 puntos), empatado con ElPozo, e coa vista posta no podio.

“Chegamos ben aínda que coa problemática da escaseza de efectivos. Estamos nunha etapa de cambios, aínda non podemos contar coas incorporacións e iso vai minguarnos un pouco, ante un rival moi esixente e forte, cun xogo moi práctico” adiantaba o técnico Juanma Marrube, facendo referencia aos reforzos dos internacionais con Uruguai e Brasil Xande e Pixote, cos que o equipo contar dispoñer en breve sobre as pistas.

O Pescados Rubén Burela FS estrea as citas de 2020 na Bomboneira con ganas de seguir facéndose forte e con toda unha segunda volta por diante para seguir medrando paso a paso. Con 9 puntos e 1 partido menos –polo aprazamento na visita do Jimbee Cartagena-, ten a zona sen perigo a tan só un punto, con Aspil Jumpers e Zaragoza; na 13ª praza Córdoba Patrimonio ten no seu haber 13 puntos. Para este sábado o obxectivo a superar centrarase en recuperar a concentración e o plan de partido, bazas coas que os pupilos de Juanma Marrube se aferraron a importantes puntos antes do Nadal: “Temos que dispoñer de claridade de ideas, a onde queremos levar o partido e cales son os momentos que nos penalizan para minimizalos” reflexionaba o Mariskal.

O equipo pechará os adestramentos mañá ás 9.45 horas, en Vista Alegre. O Magna, pola súa banda, realizará a última sesión o sábado ás 11.00 horas no pavillón da Veiga de San Cibrao.

Renato cumprirá o partido de suspensión co que foi sancionado tras o cartón vermello de Badalona, o domingo pasado. Nas filas visitantes, Bynho non viaxará por unha escordadura e entrarán en convocatoria os xuvenís Ion Cerviño e Íñigo Férnandez.

Kaluza, de novo coa Selección. O meta laranxa Michal Kaluza volverá concentrarse coa Selección de Polonia a finais de mes, en Malta.

Martes 14, Copa do Rei.Vista Alegre volverá subir o pano, coa visita do Parrulo FS en oitavos de Copa do Rei (20.30); a venda anticipada de entradas estará disponible ata o martes a mediodía. O Magna desprazarase ese mesmo día á pista do Industrias Santa Coloma.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.