05/12/2019

As Raíñas estrean a nova Copa na pista do Valdetires

As Raíñas estrean a nova Copa na pista do Valdetires
As campioas de I Copa de SM A Raíña estrean o novo formato de competición mañá, en dezaseisavos, na pista do Valdetires Ferrol FSF (pavillón de Esteiro, 12.00 horas), de Segunda División.

Esta será a segunda vez que se vexan as caras en 2019-20. No anterior enfrontamento, en Copa Galicia en Vista Alegre, o Pescados Rubén Burela FS impúxose con claridade (9-1) no pasado mes de outubro. “Vai ser diferente; xogando na súa casa, diante da súa afección, o partido vai estar máis igualado” advertía Julio Delgado do inicio dunha ponte de moito traballo, coa xornada 13 o domingo na casa do UA Alicante: “Aínda que xa temos liga o domingo, imos afrontalo a lume de biqueira porque queremos pasar a eliminatoria e seguir dando pasos nesta Copa. Non podemos deixarnos sorprender”.

“É un mes complicado. Vimos da derrota con Futsi, a próxima semana tamén teremos as convocatorias das nosas internacionais con España e Portugal, Cilene xa está con Brasil… Con todo isto, tratamos de que as xogadoras cheguen nas mellores condicións pensando só na Copa da Raíña e despois, aínda que sexa no bus, tocará recuperalas para o domingo na pista de UA Alicante” reflexionaba así o técnico laranxa, no inico da recta final da primeira volta, tras o inmerecido tropezo ante o liderado madrileño: “Pasamos páxina; o formato é agora diferente e as propias esixencias de Copa e Liga, ademais de compromisos internacionais, obrígannos a recuperarnos inmediatamente para estar ao cento por cento. A clave estará na regularidade e por iso traballamos, para volver ter boas sensacións na próxima cita sen deixar de mellorar” concluía o preparador.

Julio Delgado e Lucas dispoñerán mañá de todos os seus efectivos a excepción Cilene e Cris.

Emparellamentos de dezaseisavos:

C.F.S. FEMENINO SAN FERNANDO – OURENSE C.F. ENVIALIA

COLMENAREJO – A.D. SALA ZARAGOZA

A.D. TELDEPORTIVO – C.D. FUTSI ATLÉTICO NAVALCARNERO

C.D.B. ALMAGRO FÚTBOL SALA – MAJADAHONDA F.S.F AFAR 4

VALDETIRES FERROL F.S.F. – PESCADOS RUBÉN BURELA F.S.

O FISGON FUTSAL – POIO PESCAMAR

VIAXES AMARELLE – CIDADE DAS BURGAS F.S.

LA BOCA TE LÍA FUTSAL ALCANTARILLA 1-6 ROLDÁN FUTSAL FEMENINO

F.S.F JOVENTUD D’ELX – XALOC ALACANT F.S.

C.D. LA CONCORDIA – BILBO F.S.

MECANOVIGA EIXAMPLE F.S. – PENYA ESPLUGUES A.E.

U.D. LA CRUZ VILLANOVENSE – F.S.F. MÓSTOLES

ATLÉTICO TORCAL – UNIVERSIDAD DE ALICANTE

DEPORTIVO CÓRDOBA – A.D. ALCORCÓN F.S.

GUADALCACÍN F.S.C.D. – UCAM ELPOZO MURCIA F.S.

Equipo exento: LEGANÉS FS

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.