15/11/2019

Alcorcón chega á Bomboneira defendendo a cuarta praza

Alcorcón chega á Bomboneira defendendo a cuarta praza
O Pescados Rubén Burela FS disputará a xornada 10 mañá, coa visita á Bomboneira doutro candidato á zona alta. O AD Alcorcón FSF recalará mañá no parqué laranxa (18.30 horas) defendendo a cuarta praza e con ganas de recuperar a vitoria para seguir na loita dos de arriba fronte ao percorrido impoluto das Guerreiras.

O Alcorcón chega con 21 puntos -con vantaxe de 2 sobre Penya- e só 2 derrotas ás súas costas, na casa do Poio Pescamar (8-2) na xornada 2 e como local fronte a Zaragoza (3-4) a semana pasada. “Vai ser unha cita moi complicada. Alcorcón vén dunha derrota e quere recuperar a súa boa traxectoria para non descolgarse dos de arriba. Irene Samper e Vane Sotelo son as súas grandes referencias, quen nos poden poñer en dificultades, pero nós pelexaremos por impoñer o noso xogo, temos un equipo moi completo, cos nosos valores e estratexia, e iso debe mandar”, explicaba a lusa Jenny, autora do 1-3 definitivo a semana pasada no gran derbi irmandiño ante Ourense Envialia.

Precisamente dese resultado falou a ala, que abriu a fenda no cume, transformando o tridente impoluto nunha parella, con Futsi e Pescados Rubén: “A vitoria deunos un plus máis de motivación, non perdera puntos e con ese triunfo conseguimos distanciarnos” explicaba a 9 laranxa, pensando soamente en traballo para manter a dinámica e regularidade mariñás: “A nosa mente debe estar no partido a partido, vai ser unha final ata maio, malia que o título se decidirá nos play offs; temos que manter esta regularidade para chegar da mellor forma a esta novidade da competición. Non hai que conformarse. Temos que ter a mentalidade de traballo para que as cousas saian ben e seguir axudando ao equipo” así confesaba Jenny o seu autoesixencia e ilusión por compatibilizar o seus compromisos laranxas cos chamamentos de Portugal:

“Coa Selección estiven cómoda, os partidos ante Italia saíron moi ben e regresei con boas sensacións; espero que volver ter a oportunidade na convocatoria de decembro” manifestaba Jenny tras a súa experiencia a semana pasada en Oliveira de Azeméis.

Este será o segundo e último partido de suspensión para Julio Delgado. Polas “alfareras”, Stella Cantero tamén está sancionada.

Convocatoria Pescados Rubén Burela FS: 1. Jozi, 3. Dany, 6. Cilene, 7. Peque, 9. Jenny, 10. Lara Balseiro, 11. Jane, 12. Ana Romero, 14. Bea Mateos, 17. Ale de Paz, 19. Luci, 21. Jenny Lores

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.