30/09/2019

Inicio oficial do curso para o Futuro Laranxa

Inicio oficial do curso para o Futuro Laranxa
Arranca a semana co inicio oficial do curso para a Escola Pescados Rubén Burela FS e o comezo de adestramentos de todas as categorías. Un total de 11 monitores compoñerán o profesorado da estrutura de base, que para a tempada 2019-20 reunirá máis de 150 alumn@s e 12 equipos entre Chupete, de tan só 3 anos, e Xuvenil, de 18.

Xunto á dirección de Alfonso Mera e a coordinación de Christian Fustes, continúan ao coidado das Nosas Xoias Mario Pillado, Míchel Couceiro, Samuel Basanta, Jairo Campo e o xogador de Primeira LNFS Luisma; retoman tarefas na formación de base ademais Pablo Díaz, Iván Cao ‘Lucas’ e David Riveira, xunto á incorporación de Xela Bernardo.

Ademais da dobre sesión semanal de adestramentos, o alumnado entre as categorías Prebenxamín e Xuvenil poderán perfeccionar a súa aprendizaxe e destreza deportivas con sesións específicas de portería e de coordinación ao longo de todo o curso.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.