12/07/2019

Imanol non continuará na Mariña

Imanol non continuará na Mariña
Imanol Chávez Darias non continuará na Mariña a próxima tempada. O meta, de 25 anos, e o Pescados Rubén Burela FS chegaron a un acordo para a baixa do canario nas filas laranxas.

O porteiro de La Gomera chegou ao conxunto de Juanma Marrube a tempada pasada, procedente do Jaén Paraíso Interior de Primeira, para compartir responsabilidades con Edu.

Desde o club agradecémoslle o seu compromiso co proxecto e o bloque para conseguir o ansiado ascenso e desexámoslle sorte nas súas novas metas.

Coa baixa de Imanol, en principio, finalizan os movementos do novo Pescados Rubén Burela FS para 2019-20. Xunto aos contratos en vigor de Matamoros, Iago Míguez, Lucho, Renato e Pitero, renovaron a súa dedicación laranxa Pope, Luisma, Joselito, Juanfran, Edu e Vargas. Completarán o bloque as chegadas dos alas Álex Diz e Everton, o pivote Amoedo e o gardameta Kaluza.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.