12/07/2019

Terceiro exercicio de laranxa para a internacional lusa Jenny

Terceiro exercicio de laranxa para a internacional lusa Jenny
A internacional lusa Jennifer Santos Rodrigues cumprirá o seu terceiro exercicio de laranxa, na aposta do Pescados Rubén Burela FS por conservar a filosofía e o bloque das Raíñas.

Jenny incorporouse á escuadra mariñá como reforzo en marzo de 2018 desde o Pescara italiano, integrándose á perfección ao bloque e á liga española. Na tempada pasada, a 9 burelista compatibilizou a elástica laranxa cos seus compromisos coa Selección Portuguesa, coa que alzou o título de subcampioa da Eurocopa e campioa do Torneo 9 de Maio de Moscova.

A ala lusa, de 26 anos, convértese na undécima peza deste gran vestiario, con Peque, Dany, Ana Romero, Cilene, Bea Mateos, Luci, Jozi e Lara Balseiro, ademais de Ale de Paz e Jenny Lores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.