26/04/2019

Volta á liga en Alcorcón co alento do título irmandiño

Volta á liga en Alcorcón co alento do título irmandiño
A Iiga de Primeira RFEF regresa de Semana Santa coas forzas máis equilibradas ca nunca no cume e cunhas Guerreiras Laranxas dispostas a pelexar contra vento e marea nas cinco finais que quedan por diante, co alento da reconquista da XIII Copa Galicia, o quinto título irmandiño para as burelistas tras impoñerse ao Ourense Envialia. Por diante preséntaselles un complicado reto na pista do cuarto clasificado, AD Alcorcón FSF, cuarto clasificado con 49 puntos; será mañá en Los Cantos a partir das 17.00 horas.

“Volvemos con confianza grazas a este título, co equipo máis unido e máis forte; estou moi contenta por poder vivir esta primeira alegría tendo tan pouco tempo no equipo” explicaba o reforzo de inverno, a brasileira Popó, que anotou o seu primeiro gol de laranxa na semifinal do trono autonómico, fronte ao Viaxes Amarelle FSF (5-0).

Alcorcon recibirá as galegas nunha gran dinámica de resultados e con tan só 1 punto de desvantaxe coa terceira praza, de Jimbee Roldán FSF. “Temos un adversario moi duro, con calidade individual e sabemos que non será nada doado” advertía a 18 laranxa, nun gran sprint final donde o Pescados Rubén Burela FS pelexa con Futsi polo ansiado soño, empatados a 69 puntos y co goalaverage a favor das madrileñas tras o Clásico; esta semana as de Andrés Sanz mediranse ao oitavo, Penya Esplugues. Con todo, as mariñás seguen sendo fieis á súa filosofía gañadora e sobre todo de constancia e afán de superación: “O noso obxectivo non cambiou; nós temos que seguir gañando e gañando. Aínda queda moita liga“, puntualizaba a pivote, moi contenta na súa experiencia no futsal español: “Estoume atopando moi cómoda no equipo e estou gozando ao máximo desta liga”.

Na ida o Pescados Rubén venceu 5-1.

A expedición partiu rumbo ao destino da xornada 26 este mediodía, ás 14.30 horas, coa incorporación de Cristina Lourés, de Comarcal A Fervenza. Ademais da lesionada de longa duración Cris, Julio Delgado e Lucas non poderán contar con Alves, que xa non participou na Copa Galicia, por unha escordadura de xeonllo.

Pescados Rubén Burela FS: 1. Jozi, 3. Dany, 4. Cris, 6. Cilene, 7. Peque, 8. Cami, 9. Jenny, 10. Lara Balseiro, 12. Ana Romero, 14. Bea Mateos, 18. Popó, 19. Lucía

En diferido, La Otra de Telemadrid


La Otra de Telemadrid emitirá o duelo en diferido, o domingo, a partir das 10.00 horas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.