20/03/2019

Pescados Rubén Burela FS e Rodiles FS formalizan a súa colaboración

Pescados Rubén Burela FS e Rodiles FS formalizan a súa colaboración
O convenio de colaboración entre o Pescados Rubén Burela FS e o Rodiles FS xa é un feito. O presidente laranxa, Manuel Blanco, recibiu hai uns días ao seu homólogo asturiano, Faustino Ortiz, para selar o acordo; no acto tamén estiveron a internacional burelista Luci e as xogadoras asturianas Jessi e Romina.

“Para a Familia Laranxa é un orgullo comezar este camiño de promoción e difusión do traballo en igualdade desde a base cun club que coida e agarima tanto o fútbol sala feminino, nunha comunidade de gran tradición neste deporte” explicaba Manuel Blanco, coincidindo con Faustino Ortiz en que as iniciativas promovidas entre os dous clubs redundarán en beneficio da aprendizaxe das dúas escolas. “É un acordo moi importante para nós xa que Pescados Rubén Burela FS é un referente nacional neste deporte. O Rodiles FS dá un gran paso na súa consolidación no fútbol sala feminino con esta colaboración e estamos moi felices por iso?, aplaudía tamén o presidente da entidade de Villaviciosa.

O Rodiles FS e o Pescados Rubén Burela FS de Primeira Galicia xa tiveron a oportunidade de disputar algún amigable e ata as Guerreiras Laranxas puideron gozar do apoio da estrutura asturiana desde a bancada de Vista Alegre.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.