17/01/2019

Solidez defensiva de Mengíbar fronte á imbatilidade burelista, Tarde Laranxa

Solidez defensiva de Mengíbar fronte á imbatilidade burelista, Tarde Laranxa
Vista Alegre xa ten todo a punto para a primeira Tarde Laranxa de 2019. Os pupilos de Juanma Marrube recibirán o Software DELSOL Mengíbar na xornada 17, de Segunda LNFS, o sábado, ás 20.00 horas, pechando a tarde que arrincará con Primeira RFEF Liga Foro 16 Feminismo, ás 17.00 horas co duelo de contrastes entre a primeira praza das de Julio Delgado e Lucas e a última de Femisport Palau.

“Vai ser complicadísimo. Mengíbar ten unha gran solidez defensiva; é o terceiro equipo menos goleado da categoría. Será un partido que se decidirá en pequenos detalles, no que a concentración e a orde serán determinantes e decisivas” advertía Iago Míguez, do conxunto do ex–burelista Colacha, destacando o empate con outro dos candidatos ao ascenso, Real Betis Futsal (1-1), co que estreou a segunda volta: “Van vir extramotivados e con ganas para facer bo ese punto da semana pasada intentando sacar algo na pista do líder”, falaba así o burelista do cuarto clasificado da táboa (31 puntos), que intentará rematar coa imbatilidade dos mariñáns (38 puntos).

O 5 laranxa volveu ás pistas a semana pasada na pista de Gran Canaria, afastado das pistas dende pretempada por unha tendinopatía rotuliana. Fíxoo ao grande, con minutos, vitoria (1-5) e dous goles: “Sentinme moi contento. Levaba moito tempo fóra do terreo de xogo e xa devecía por sentirme de novo xogador profesional, volver sentir esa sensación de felicidade de gañar e de contribuír ao equipo” confesaba o burelao, agardando con emoción a súa volta a Vista Alegre, no que será o seu primeiro partido oficial de laranxa na casa tras a volta ao equipo este verán: “Estou ansioso por volver defender a camiseta do Burela na miña casa e diante da miña xente. Será un partido moi especial, pero intentarei afastar eses sentimentos de emoción para centrarme ao máximo no partido e na pista”, explicaba o ala.

“Espero un pavillón ateigado de xente laranxa este sábado, que vaia divertirse con nós. Os dous equipos estamos facendo un gran traballo, estamos líderes e estou seguro que coa forza da afección e a nosa entrega poderemos sacar os tres puntos nas dúas competicións, moi importantes para seguir na primeira praza”, concluía Iago Míguez.

Se non hai cambios de última hora a única ausencia no vestiario laranxa será Pitero, por unha pubalxia. A última sesión de adestramento está prevista para mañá pola mañá, ás 10.30 horas, en Vista Alegre.

Convocatoria provisional Pescados Rubén Burela FS: 1. Edu, 4. Lucho, 5. Iago Míguez, 6. Luisma, 7. Porto, 10. Matamoros, 11. Juanfran, 12. Renato, 14. Pope, 15. R. Vargas, 23. Imanol CD, 30 Hélder

Entrada única para a Tarde Laranxa


A Bomboneira estreará 2019 con Tarde Laranxa. Haberá entrada única, para non soci@s, que poderán presenciar os dous partidos de líderes por tan só 10 euros; para os/as menores de idade a entrada será gratuíta.

Zona Infantil e Merenda Doce


Os máis pequenos/as poderán gozar un sábado máis de Zona Infantil, con talleres e fotomatón. Ademais, a afección tamén poderá combater as temperaturas do inverno cunha merenda doce, con chocolate con churros, por tan só 2 euros/ración.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.