06/12/2018

Antepenúltima cita de 2018, con derbi en Noia

Antepenúltima cita de 2018, con derbi en Noia
O Pescados Rubén Burela FS disputará o segundo e último derbi galego da primeira volta e de 2018, na xornada 13, este sábado na pista do Noia Portus Apostoli FS. O duelo irmandiño arrancará ás 17.00 horas, con emisión en directo de TVG2.

Os pupilos de Juanma Marrube poñerán a proba o liderado e a imbatibilidade fronte aos de Marlon Velasco, un equipo que está na 13ª praza (12 puntos) e que vén coa fortaleza anímica de derrocar da súa pugna polo cumio da táboa ao Real Betis Futsal, co empate 4-4 en Amate. “Nos derbis as forzas sempre se igualan. Noia é un rival duro, coa solidez de xogar na casa, e nós chegamos invictos e coas ganas de manter a primeira praza. O espectáculo estará garantido, con dous equipos que nos gusta atacar, e será aínda máis bonito ao ser televisado” incidía así o capitán, Edu, na motivación das dúas escuadras, destacando as armas dos coruñeses: “É un bo bloque, con calidade, ademais co cambio de adestrador parece que o equipo gañou en intensidade. No entanto, nós imos primeiros e temos que demostrar que somos os favoritos; temos que ser nós mesmos, non cometer erros e non perder o balón na súa primeira liña defensiva” advertía.

Os laranxas mantéñense fieis á folla de ruta marcada ao inicio do periplo 2018-19 para chegar ao ecuador competitivo en óptimas condicións: “Estamos nunha boa liña. Estamos traballando ben dende comezos de tempada, estamos defendendo case á perfección e en ataque están chegando os goles. O equipo ten que seguir nesta liña para cumprir o seu obxectivo” aseguraba o meta naronés.

Rivais directos.
Na segunda praza, Manzanares, con tan só 1 punto de desvantaxe cos laranxas, visitará o Córdoba, noveno (17 puntos). A Betis, terceiro (26 puntos), tamén lle tocará cita a domicilio, con Elche, oitavo (18 puntos). E na cuarta, Mengíbar (24 puntos) recibirá o sexto, ElPozo Ciudad de Murcia (19 puntos).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.