04/10/2018

Bisontes, unha pista complicada para estrear a vitoria a domicilio

Bisontes, unha pista complicada para estrear a vitoria a domicilio
A xornada 4 de Segunda levará os pupilos de Juanma Marrube á complicada pista de Bisontes Castellón. A cita poderá seguirse en directo por streaming a través de www.lnfsdirecto.com (sábado 6, 17.30 horas) ou a través da APP LaLiga TV.

O Pescados Rubén Burela FS intentará aproveitar o bo sabor de boca que deixou a vitoria ante ElPozo Ciudad de Murcia (4-1), para estrearse nos triunfos a domicilio: “Foi un partido difícil no que fixemos as cousas ben e conseguimos unha vitoria importante, os tres primeiros puntos e na nosa casa que nos dan moita confianza para medirnos a Bisontes” explicaba unha das Xoias Laranxas, Renato, autor dun dobrete na cita, que tamén advirte do reto que se lles presenta por diante: “É un rival duro, cunha boa defensa e as ideas claras no seu xogo” explicaba o 12 burelista dun rival que tras un grande inicio, con vitorias ante Santiago Futsal (0-1) e Dimurol Tenerife (4-0), vén de sucumbir nun gran partido a pista do Real Betis Futsal (4-0). “É un bloque sólido que se reforzou moi ben que como conxunto local vai ser un rival moi complicado; así foron xa os duelos entre castellonenses e laranxas” incidía o ala mariñán.

Para unha das grandes referencias da Base Laranxa, esta será a terceira campaña como xogador sénior: “Síntome cómodo e contento no equipo. Cada vez teño máis confianza en min; espero axudar ao equipo, que me respecten as lesións e conseguir o que todos queremos” explicaba Renato anhelando o regreso de novo á elite, onde debutou.

O equipo partirá esta noite para realizar mañá, sobre as 12.00 horas, a última sesión da semana, xa no Ciudad de Castellón. Matamoros non viaxará debido a unha rotura muscular de aductores.

Convocatoria Pescados Rubén Burela FS:
1. Edu, 4. Lucho, 5. Luisma, 7. Porto, 9. Pitero, 11. Juanfran, 12. Renato, 14. Pope, 15. R. Vargas, 18. Adilson, 23. Imanol, 30. Hélder

Copa do Rei


Entre xornada e xornada de liga, os pupilos de Juanma Marrube terán que facer un alto no camiño, no seu debut na Copa do Rei, coa primeira eliminatoria. Será o martes, 9 de outubro, ás 22.00 horas, na casa do Prone Lugo.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.