08/08/2018

O Pescados Rubén e El Progreso estreitan lazos

O Pescados Rubén e El Progreso estreitan lazos
O Pescados Rubén Burela FS e o xornal lugués El Progreso estreitarán lazos cun apoio conxunto en promoción do deporte en 2018-19. O máximo dirixente do club laranxa, Manuel Blanco, visitou onte pola tarde a delegación burelá do periódico para selar o acordo de colaboración coa presidenta, Blanca García Montenegro.

Manuel Blanco agradeceu o compromiso de El Progreso para contribuír a dar unha maior visibilidade do fútbol sala e do Pescados Rubén Burela FS. “Somos o máximo representante deste deporte non só en Burela e na Mariña senón tamén en toda a provincia de Lugo. Con apostas conxuntas coma esta gaña todo o deporte; esta colaboración é un paso adiante no crecemento dos clubs lucenses”. O presidente laranxa tamén incidiu na difusión que dende o xornal se lle dá a un dos activos máis importantes da entidade burelá, a base, a través do suplemento A Canteira.

Dende El Progreso, Blanca García Montenegro destacou a relevancia de que empresas tan fortes como Pescados Rubén “se comprometan con estas iniciativas” e aplaudiu a “firme aposta do club laranxa na igualdade, coa traxectoria do equipo feminino, todo un campión, condición que demostra tempada tras tempada porque o difícil non é chegar senón manterse no máis alto”.

Enmarcado no devandito convenio, El Progreso disporá de entradas para os partidos de Primeira RFEF e Segunda LNFS en Vista Alegre para uso promocional entre os seus subscritores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.