02/06/2018

A vitoria ante Alcorcón (2-1) outórgalles o bronce de liga ás laranxas

A vitoria ante Alcorcón (2-1) outórgalles o bronce de liga ás laranxas
O Pescadso Rubén Burela FS pechou esta tarde a liga no seu mausoleo ante un Vista Alegre entregado. Coa apertada vitoria ante Alcorcón FSF (2-1), as laranxas poñen o broche á competición regular, subindo ao podio, co bronce de 2017-18 (72 puntos) nunha liga na que reina o Jimbee Roldán. As mariñás xa teñen novo horizonte á volta de esquina, o derbi irmandiño, co sexto clasificado, Ourense Envialia, na estrea de Copa de España Cádiz 2018 (8-10 de xuño).

Cun público moi animado, envolto nas Patronais de Burela, as laranxas deixaron as cousas claras desde o principio, buscando a rede de Ana del Río. As mellores ocasións chegaron o minuto 8, por partida dobre, con Cilene facendo tremer o largueiro e Jenny á caza do rexeite, sen éxito. Cami atopou premio pouco despois, no minuto 9, cun disparo raso cruzado. Aínda que non durou demasiado a vantaxe; a falta de 2 segundos para o ecuador do primeiro acto, Vane Sotelo igualou a batalla, superando por arriba a Ana Romero, ao bordo da área, que Bea Mateos case desartellacoa cabeza. A meta burelista estivo moi acertada nas chegadas das madrileñas. O Pescados Rubén intentou recuperar o dominio no marcador nos últimos segundos da primeira parte con xogo de cinco abandeirado por Bea Mateos, aínda que sen éxito.

Regresou a contenda ao parqué con cambio baixo paus, con Jozi e Belén de Uña. As mariñás, con máis decisión, envrcáronse en busca de nova nova vantaxe, fronte a un Alcorcón que intentaba atopar o perigo á contra. No 33, Pipi dispuxo das mellor das visitantes, estrelándose na escuadra. Na recta final, Jozi evitou con destreza o que podería ser o segundo do Alcorcón, nas zapatillas de Anita Luján. Tras unha perigosa de Dany e restando un minuto, Bea Mateos volveu ao terreo de xogo como porteira xogadora e non se fixo esperar o gol da vitoria, da sempre máxica Cilene. Respondeu Alcorcón con cinco tamén, con 50 segundos por diante.

Cilene, Trofeo Viceroy

Antes do asubío inicial, Cilene foi recoñecida co Trofeo Viceroy á Mellor Xogadora da tempada 2017-18, coa valoración xornada a xornada de profesionais, prensa e afección. A 6 burelista recibiu como premio un reloxo Viceroy de mans do gerente de Kessarys Joyeros, Jorge Orosa, acompañado pola vicepresidenta do club, Cesarina Fanego.

Homenaxe a Claudia Rodríguez

As xogadoras burelistas quixeron render unha emotiva homenaxe á súa ex-compañeira Claudia Rodríguez na súa retirada definitiva do mundo do deporte, cunha camiseta do equipo co "dorsal" 210, número de partidos que disputou de laranxa. A focense foi a encargada de facer o saque de honor.

Ficha técnica

Pescadso Rubén Burela FS: Ana Romero, Dany, Cilene, Cami, Bea Mateos, cinco inicial; tamén xogaron Jenny, Julia Forsiuk, Sara Correia, Judith, Jozi

AD Alcorcón FSF: Ana del Río, Isa García, Anita Luján, Irene Samper, Vane Sotelo, cinco inicial; tamén xogaron Sila, Desi, Ana Ribeira, Pipi, Paula, Belén de Uña

Goles: 1-0, minuto 9, Cami; 1-1, minuto 10, Vane Sotelo; 2-1, minuto 40, Cilene

Árbitros: Díaz Arias // Hevia Campa (Asturias). Por Burela amarela a Bea Mateos. Por Alcorcón amarela a Anita Luján (minuto 12),Vane Sotelo (minuto 19)

Incidencias: Partido correspondente á xornada 30 de Primeira División disputado en Vista Alegre ante preto de 500 persoas, coa presenza do seleccionador de Portugal, Jorge Braz. O equipo laranxa mostrou camisetas en apoio a Aspanovas Bizkaia, asociación de pais de nenos con cancro de Biscaia.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.