14/04/2018

Quinta cumprida

Quinta cumprida
As pupilas de Julio Delgado e Lucas aferráronse aos tres puntos na pista dun correoso Soto del Real (2-3), cumprindo coa quinta vitoria consecutiva, resolvendo no último cuarto da cita.

Judith transmitía boas vibracións para as galegas, topándose coa rede xa no minuto 4, cun disparo raso. Con todo, as locais conseguiron igualar antes de chegar ao ecuador da primeira parte grazas a Stone a pase de Coral. Malia levar a batuta, as laranxas non tiveron máis remedio que conformarse co 1-1 ao descanso.

Máis dominio visitante na segunda parte, pero sen finalización, e así saltaba o xogo de cinco á cancha, no minuto 27. As madrileñas aproveitaron a porta baleira para adiantarse no minuto 31, con Chili en xogada persoal. No entanto, as galegas recuperaron as táboas ao marcador tan só un minuto despois, con Tai, e Cami deixou de manifesto a súa brillantez no 2-3, no 34, pola escuadra.

Ficha técnica

VP Soto del Real: Marlasca, Murchi, Stone, Gabs, Chili, cinco inicial; tamén xogaron Coral, Ana, Sandra, Jaione,

Pescados Rubén Burela FS: Jozi, Dany, Cami, Jenny, Sara Correia, cinco inicial; tamén xogaron Judith, Cilene, Lara, Tai

Goles: 0-1, minuto 4, Judith; 1-1, minuto 9, Stone; 2-1, minuto 31, Chili; 2-2, minuto 32, Tai, 2-3, minuto 34, Cami

Árbitros: Mayo López //Sánchez Martín (Colexio Madrileño).

Incidencias: Partido correspondente á xornada 24 de Primeira RFEF disputado no pavillón municipal de Soto

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.