Victoria esmagadora en Cádiz (0-11)

O Pescados Rubén Burela regresa de terras andaluzas con tres puntos e vitoria sen contemplacións sobre Cádiz Polideportivo FSF (0-11), pechacancelas de Primeira RFEF. As pupilas de Julio Delgado e Lucas, que xa tiveran un toque de atención a semana pasada para facerse co duelo irmandiño con Cidade das Burgas, non quixeron deixar nada ao azar e ataron o partido desde o principio.

“Encaramos moi ben o partido; puidemos materializar nas 2-3 primeiras chegadas a portería e despois todo foi rodado” explicaba Julio Delgado ao final dun encontro no que as laranxas xa dispoñían dunha vantaxe de 0-4 no minuto 8, con dianas de Dany, Jenny, Tai e Bea Mateos. O Cádiz intentou reaccionar con porteira jugadora xa na primeira parte sen marxe de manobra fronte a un Pescados Rubén que recibiu o descanso cunha fenda moi cómoda, 0-6, con Cilene e de novo Dany.

As galegas apostaron en todo momento por manter a intensidade e a concentración, cunha segunda parte na que se distanciaron ata o definitivo 0-11, co terceiro da tarde para Dany, repetindo Jenny, Cilene e Tai, e con complemento de Lara.

Ficha técnica

Cádiz Polideportivo FSF: Lucía, Elena, María, Bea, Noe, cinco inicial; tamén xogaron Tere, Pelu, Emma, Ana T. Claudia.

Pescados Rubén Burela FS: Ana Romero, Dany, Cilene, Sara Correia, Bea Mateos, cinco inicial; tamén xogaron Tai, Lara, Jenny

Goles: 0-1, minuto 5, Dany; 0-2, minuto 6, Jenny; 0-3, minuto 7, Tai; 0-4, minuto 8, Bea Mateos; 0-5, minuto 11, Cilene; 0-6, minuto 18, Dany; 0-7, minuto 25, Dany; 0-8, minuto 27, Jenny; 0-9, minuto 30, Cilene; 0-10, minuto 33, Lara; 0-11, minuto 37, Tai

Árbitros: Páez Rueda // Quintana Vela (Colexio Andaluz). Por Burela, amarela a Ana Romeu e Bea Mateos.

Incidencias: Partido correspondente á xornada 22 de Primeira RFEF disputado no pavillón Mirandilla