20/03/2018

Marín, sede da fase final de Copa Galicia Feminina (31 de marzo e 1 de abril)

Información de www.futgal.es
Marín, sede da fase final de Copa Galicia Feminina (31 de marzo e 1 de abril)
A fase final da Copa Galicia de fútbol sala feminino xa ten sede: as semifinais e a final do torneo van xogarse na localidade pontevedresa de Marín, no pavillón A Raña, os días 31 de marzo e 1 de abril.

Ourense Envialia, Burela Pescados Rubén, Cidade das Burgas e Poio Pescamar son os catro equipos que acadaron as semifinais da competición.

Este é o calendario da fase final:

A Raña (Marín) - 31 de marzo e 1 de abril de 2018

SÁBADO 31 DE MARZO

17:30 SEMIFINAL 1: OURENSE ENVIALIA - BURELA PESCADOS RUBÉN

SÁBADO 31 DE MARZO

19:30 SEMIFINAL 2: CIDADE DE AS BURGAS - POIO PESCAMAR

DOMINGO 1 DE ABRIL

19:00 FINAL

I Mini Copa Feminina Fútbol Sala

Antes da final do domingo, o pavillón da Raña será escenario da disputa da I Mini Copa Feminina. Os equipos infantís de Poio Pescamar e A Fervenza (Burela Pescados Rubén) tentarán facerse con esta primeira edición do trofeo nun partido que se disputa ás 16:30 horas.

Entradas

As entradas terán os seguintes prezos:

- Adulto anticipada: 3 €

- Adulto taquilla: 5 €

- Menores de 12 anos: 1 €

A venda anticipada está aberta para os clubs ata o venres 23 de marzo. A partir de entón, as entradas que queden dispoñibles poranse a disposición do público xeral co seguinte procedemento:

1) Ingreso do importe total das entradas adquiridas mediante transferencia á conta IBAN ES13 2100 4080 1822 0010 4564 (La Caixa)

2) Envío do xustificante da transferencia, xunto cos datos (nome, apelidos e idade) de todos os adultos e/ou nenos que asistirán ao partido, ao correo entradas@futgal.es

3) Recollida das entradas en taquilla o día do partido

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.