28/08/2017

Víctor: 'A vitoria contra O Parrulo axúdanos moito'

Víctor: 'A vitoria contra O Parrulo axúdanos moito'

O Pescados Rubén Burela FS de Juanma Marrube continúa camiñando pola boa senda. “As boas sensacións do Torneo Burela Bonita non se reflectiron nos resultados, pero o sábado, contra O Parrulo (1-3), xa puidemos lograr a vitoria, algo que nos axuda moito anímicamente” explicaba Víctor López Real (Madrid, 1987) no comezo da súa segunda etapa de laranxa, incidindo na importancia da preparación inicial: “A pretempada está sendo dura e bastante esixente, pero é o que toca; canto máis suframos agora mellor chegaremos ao inicio de liga”.



“A actitude do equipo foi boa, sobre todo en defensa; en ataque temos que seguir traballando, pero é algo normal porque é un equipo en formación, con incorporacións e adestrador novo. O que máis me gustou foi o traballo en bloque” explicaba o novo 4 burelista, procedente do Cagliari Futsal, xunto ao presidente, Manuel Blanco, e a vicepresidenta, Cesarina Fanego.



“Hai que traballar e seguir traballando. Temos un bloque bo, bastante compacto; temos  experiencia, pero tamén xuventude, temos un pouco de todo e creo que iso nos levará lonxe” aludía así o peche aos ilusionantes obxectivos ligueiros.



Turkmenistán, en Vista Alegre



Mañá volven os amigables a Vista Alegre, “con pouco descanso”, como di Víctor, para medirse á selección de Turkmenistán (20.30 horas, entrada gratuíta). “É unha selección bastante competitiva; será difícil, pero iso tamén nos serve para seguir mellorando e aprendendo. Pouco a pouco ímonos coñecendo e  iso vese reflectido no día a día” incidía así o burelista na evolución e formación do novo Pescados Rubén.



Prone, o sábado



Os laranxas volverán saltar ao parqué, pero a domicilio, para medirse ao Prone Lugo, ás 19.00 horas, no primeiro derbi provincial de 2017-18 (pavillón municipal dos Deportes)

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.