Movistar, primeiro finalista do Burela Bonita tras vencer a Palma (3-2)

Movistar Inter converteuse no primeiro finalista do Torneo Burela Bonita logo de vencer ao actual campión, Palma Futsal (3-2), unha cita na que os verdes remontaron a partir do minuto 29. Os de Jesús Velasco buscarán o trofeo mañá ás 21.00 horas, fronte ao gañador da segunda semifinal de hoxe, Pescados Rubén Burela FS-Santiago Futsal.

Palma foi o primeiro en avisar, no minuto 5, con Tomaz. Pouco despois Joselito volveu poñer en apertos o meta interista, cun balón

que se paseou por diante da liña de meta. Os interistas estreáronse no minuto 9, con Tomaz, e segundos máis tarde con Solano nun rexeite de Nico Sarmiento. O gol do Palma asinouno Eloy Rojas a tres minutos para o descanso logo de sortear ao bordo da liña de fondo a Rafael e superar a Herrero. Os insulares tiveron o segundo tanto no último minuto antes do descanso, nun dobre penalti de Eloy que se estrelou contra o corpo de Herrero.

Comezou arroiando o Palma, antes de cumprirse o primeiro minuto tras o descanso, Joselito, por partida dobre, e Tomaz. Tocoulle a quenda ao titánico interista; 5 minutos nos que subiu unha marcha en busca do empate pero non estivo acertado ata que Gadeia puxo táboas, no minuto 29. Barrón converteuse no pesadelo para os verdes, freando a Serginho (minuto 32) e a Ricardinho (minuto 34), aínda que nada puido facer ante a maxia do astro interista, en dobre penalti (minuto 36). Os insulares apostaron por xogo de cinco nos últimos tres minutos. Saíulles mal, Pola anotou a porta baleira (minuto 38). Non deseperaron os de Vadillo e atoparon o 3-2 cun lanzamento de Éder, que empuxou Diego Quintela in extremis a falta de pouco máis dun minuto para o final.

Ficha técnica

Movistar Inter FS: Jesús Herrero, Pola, Ricardinho, Carlos Ortiz, Elisandro, cinco inicial; tamén xogaron Bebe, Taffy, Borja, Rafael, Serginho, Solano, Daniel

Palma Futsal: Nico Sarmiento, Lolo, Diego Favero, David Pazos, Diego Quintela, cinco inicial; tamén xogaron Joselito, Maico, Eloy Rojas, Tomaz, Chicho, Paradynski, Éder, Barrón

Goles: 0-1, minuto 17, Eloy Rojas; 1-1, minuto 29, Gadeia; 2-1, minuto 36, Ricardinho (d.p.); 3-1, minuto 38, Pola; 3-2, minuto 39, Diego Quintela

Arbitros: Manteiga Rodríguez // Amor Vizoso. Por Movistar, amarela a Elisandro (minuto 16), Ricardinho (minuto 26), Gadeia (minuto 37). Por Palma, amarela a Maico (minuto 8), Paradynski (minuto 22), Eloy Rojas (minuto 27), Diego Favero (minuto 35), Chicho

Incidencias: Partido de semifinais do Torneo Burela Bonita disputado en Vista Alegre con arredor de 800 espectadores, que renderon un emotivo minuto de silencio polas vítimas do atentado de Barcelona.