08/06/2017

Sergio Cora súmase ao Pescados Rubén para as 2 próximas tempadas

Sergio Cora súmase ao Pescados Rubén para as 2 próximas tempadas

O ala Sergio Cora Piñón (Viveiro, 1997) será xogador do Pescados Rubén Burela FS as próximas dúas tempadas. Na súa presentación oficial, xunto ao mozo mariñán estiveron o presidente, Manuel Blanco Fanego, e o directivo Antonio Rodenas, que salientaron a “proxección dun xogador que leva anos medrando xunto a nós, na base, e que o ano pasado xa deu un salto cualitativo compartindo responsabilidades entre o filial, Onde Sempre Xove FS, e o equipo de Primeira División”.




“Juanma sempre me apoiou moito, xa me comentou algunha vez que tiña calidades e estaba capacitado para xogar en Burela. Pola miña parte estou encantado por esta nova posibilidade que se me brinda. Gústame o fútbol sala e gústame xogar, por iso as negociacións foron doadas” explicaba Sergio Cora irradiando entusiasmo a mares por esta nova porta que se abre na súa gran paixón polo deporte: “Afronto esta nova etapa con moita ilusión, con moitas ganas de levar este equipo a onde se merece, que é Primeira División. Espero gañarme o posto, loitando e sacrificándome polo club e dar sempre o máximo” adiantaba o viveirense incidindo na súa boa relación co cadro burelista: “Teño moi bo trato cos compañeiros, sobre todo con Renato e Hélder, e iso dáme confianza para esta nova etapa”, concluía Sergio.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.