27/05/2017

Despedida de Vista Alegre con vitoria ante o Esplugues Gironella

O Pescados Rubén Burela despediuse de Vista Alegre cunha vitoria por 1-0 ante o Penya Esplugues Gironella. O conxunto burelista asegurou a cuarta posición cun gol de Judith no minuto 18 tras unha gran xogada colectiva con xogo de cinco. A v
Despedida de Vista Alegre con vitoria ante o  Esplugues Gironella
O duelo comezou con ambos equipos tanteando ao seu rival e sen mostrar as súas cartas pero co paso dos minutos a intensidade foi aumentando e as precaucións iniciais deron paso a un xogo máis aberto. Julia gozou da primeira ocasión clara do partido pero Ana Romero gañoulle o man a man do mesmo xeito que Noe ante o disparo de Sofía instantes despois. O partido transcorría sen un dominador claro e con moita intensidade en ambos conxuntos que pecaron de falta de tranquilidade no último pase.

Con alternativas na posesión e sen facer dano na meta rival pasaron os minutos e na recta final o Pescados Rubén apostou polo xogo de cinco. Shiori vestiuse a camiseta de porteira xogadora e con calma e precisión as burelistas lograron abrir o marcador. Tras unha longa posesión o Pescados Rubén acelerou no momento adecuado e Lara asistiu a Judith que marcou o 1-0 a porta baleira.

Con este marcador chegouse ao descanso e na continuación o Gironella saíu decicido a polo empate. Nos compases iniciais as burelistas replegaron filas para buscar un contragolpe que aumentase a súa renda. Tralo envite inicial das catalás o Pescados Rubén Burela comezou a tomar as rendas do xogo e provocou un par de ocasións claras para escaparse no marcador; Judith debuxou unha preciosa vaselina que se escapou por pouco e Shiori enviou o seu disparo ao pau. Ante o control laranxa o Gironella intentou romper a dinámica co xogo de cinco aínda que sen demasiado acerto.

Nos últimos cinco minutos o Pescados Rubén gozou de numerosas ocasións para materializar o 2-0 pero sen fortuna no remate. No último minuto o Gironella acariñou a igualda nunha acción illada. Berta Velasco cazou un balón solto no área local pero o seu remate foi neutralizado por Jozi. Sen maiores incidencias chegouse ao final dun partido que o Pescados Rubén Burela mereceu gañar con maior comodidade.

Ficha técnica

Pescados Rubén Burela FS: Ana Romero, Dany, Cilene, Lara, Shiori -cinco inicial- Judith, Sofía, Elvira, Paula, Claudia, Silvia, Jozi.

Penya Esplugues Gironella: Noe Guerreiro, Marta González, Celia, Berta Velasco, Julia Vidal -cinco inicial- Laura, Sandra, Helena, Zoe.

Goles: 1-0, m.18, Judith.

Árbitros: Coello Martínez, Fouz Rivas. Colexio galego. Cartón amerlo a Helena do Esplugues Gironella.

Incidencias: Partido correspondente á xornada 29 da Primeira División. Disputado no pavillón Vista Alegre de Burela. Gardouse un minuto de silencio polas vítimas do atentado terrorista de Manchester. A xogadora burelista Sofía Vázquez foi homenaxeada antes do encontro pola conquista coa selección galega sénior do Campionato Nacional de seleccións autonómicas da CNFS.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.