01/10/2016

Primeira vitoria das laranxas a domicilio

Primeira vitoria das laranxas a domicilio
O Pescados Rubén Burela FS recolleu a primeira vitoria ligueira a domiclio esta tarde no feudo do Afar4 Majadahonda FSF (1-5) nunha cita que as pupilas de Lucas e Julio Delgado souberon resolver sen demasiadas complicacións, con vantaxe de 0-3 xa ao descanso, e con hattrick de Dany.

O cadro mariñán conseguiu suplir a súa falta de frescura tirando de experiencia e solvencia finalizadora. Antes de chegar á medianía do primeiro acto, Dany xa lle deu vantaxe de 2-0, en xogadas combinativas, con incremento de Silvia, no 16, de estratexia.

Tras o descanso, o cansazo deixou pegada nas filas burelistas; aproveitou Sara unha perda xa no 22 para poñer máis preto o Majadahonda; dispuxeron as madrileñas de máis ocasións, aínda que con escasos recursos. O Pescados Rubén reafirmou a súa soberanía sobre o luminoso en senllos contragolpes, de R. Betim, no 28, e case na recta final de novo da inspiradísima Dany (minuto 38).

Ficha técnica

Afar4 Majadahonda FSF: Laura, Marta Mateo, Elena, Sara, Marta Rodríguez, cinco inicial; tamén xogaron María, Rosita, Mónica, A. De la Chica, Sheila, Celia, Gabs

CD Burela FS Pescados Rubén: Ana Romero, Dany, R. Betim, Bea Mateos, Cilene, cinco inicial; tamén xogaron Shiori, Lara, Elvira, Silvia

Goles: 0-1, minuto 3, Dany; 0-2, minuto 7, Dany; 0-3, minuto 16, Silvia; 1-3, minuto 22, Sara; 1-4, minuto 28, R. Betim; 1-5, minuto 38, Dany

Árbitros: Castllo Oliva, Julio // Ortiz Márquez, Gabriel, colexio madrileño. Por Majadahonda amarelas a Elena e Celia. Por Burela amarelas a Elvira e Silvia.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.