Mini, Aarón, Pitero e Xosé defenderán a Lugo no Galego Xuvenil
Os xogadores do CD Burela FS Pescados Rubén xuvenil Álex García ‘Mini’, Aarón Fernández, Christian Rivas ‘Pitero’ e Xosé Cayón defenderán a Selección de Lugo no Campionato Autonómico Xuvenil, que se disputará en Pazos de Borbén o Día das Letras Galegas, martes 17 de maio.
O combinado lugués compartirá o Grupo II con Vigo e Ourense. O Grupo I estará composto por Santiago, Pontevedra e A Coruña.
Os catro xogadores laranxas participarán esta tarde no último adestramento preparatorio antes da gran cita; será en Baamonde ás 18.00 horas.
Nacional Infantil. O burelista Jorge Quelle está inmerso con Galicia Infantil no Campionato Nacional de Seleccións Autonómicas en Murcia. Clasificouse para semifinais con derrota inaugural do mércores ante Castela-A Mancha (4-3) e triunfo fronte ás Baleares (6-3); mañá loitará polo billete para a final con Andalucía (11.00 horas).
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Un Pescados Rubén Burela FS con altibaixos sofre en Mengíbar pero logra puntuar e afianzar ese terceiro posto na clasificación.
Nun encontro moi intenso e loitado, as mariñás non mostraron a súa mellor versión cunha primeira parte que lles custou o encontro.
Compricado encontro para o Burela que remata remontando un partido cheo de altibaixos para o conxunto mariñán.