22/12/2015

Ribera Navarra 4-2 Burela FS Pescados Rubén

Ribera Navarra 4-2 Burela FS Pescados Rubén
O Burela FS Pescados Rubén non puido despedir 2015 sobre a pista con vitoria. Os pupilos de Daniel Ibañes, que viaxaron a Tudela con grandes ausencias, notaron en exceso o cansazo fronte ao Aspil Vidal Ribeira Navarra (4-2); con xogo de cinco puideron reducir ata 3-2, aínda que non tiveron tempo para máis.

Malia que o cadro mariñán comezou moi ben, co rápido tanto de Chino, xa no minuto 2, os laranxas non se mostraron sólidos en defensa e o Aspil aproveitou. Antes de chegar ao ecuador da primeira parte, anotaron David Pazos e Lucho (minutos 8 e 9), e no 16, ampliou distancias Pedro.

Con 3-1, ambas as escuadras volveron á palestra. Rearmáronse na faceta defensiva os de Daniel para manterse no partido. No último cuarto o Burela FS Pescados Rubén optou por porteiro-xogador, xa con cinco faltas. A falta de 30 segundos, puido reducir con 3-2 cun disparo de Iago Rodríguez, que tocou en Luisma en útimo termo, pero os locais puideron volver poñer terra por medio sobre a bocina, con Rubi.

Vista Alegre recibe o 2016

A liga de Primeira LNFS volverá para os mariñáns o domingo 3 de xaneiro en Vista Alegre (18.00 horas), coa visita do Palma Futsal na 17ª xornada.

Ficha técnica

Aspil Vidal Ribera Navarra: Molina, David, Roger, Andresito, Joselito, cinco inicial; tamén xogaron Hamza, Luisma, Rubi, Loito, Pedro, David Pazos

CD Burela FS Pescados Rubén: Álex, Iago Míguez, Bellvert, Iago Rodríguez, Chino, cinco inicial; tamén xogaron Carlitos, Antoñito, Hélder, Rubén

Goles: 0-1, minuto 2, Chino; 1-1, minuto 8, David Pazos; 2-1, minuto 9, Loito; 3-1, minuto 16, Pedro; 3-2, minuto 40, Iago Rodríguez (Luisma p.p.), 4-2, minuto 40, Rubi

Árbitros: Redondo Arenales // Viedma Martín. Por Ribera amarela a Roger e Andresito. Por Burela FS amarela a Iago Míguez e Antoñito

Incidencias: Partido correspondente á 16ª xornada da Primeira División da LNFS disputado no pavillón Ciudad de Tudela.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.