17/12/2015

Despedida de 2015 con vitoria

Despedida de 2015 con vitoria

O Burela FS Pescados Rubén B despediu o ano o sábado pasado coa segunda vitoria da tempada, na pista do Peugeot Vilalba FS (4-5), que lle outorga a novena praza (7 puntos).



“Tivemos o dominio do partido, sobre todo na primeira parte, con posesión de balón, aínda que  nos faltou pisar zona de finalización” lembraba o técnico laranxa, Juanma Marrube, dun encontro no que os laranxas sempre levaron a batuta no marcador, con 0-1 ao descanso. “Con 0-3, entramos en certa desorde, que aproveitou o Vilalba para recortar, pero aínda así soubemos volver poñer distancia para facer nosos os tres puntos”, explicaba o adestrador, moi satisfeito cos seus xogadores e concentrado no traballo do equipo para seguir medrando.



“Espero que a primeira vitoria na casa chegue axiña. Oxalá sexa xa no próximo compromiso para pechar a primeira volta”, recoñecía así Juanma o seu desexo para o ano novo.



5Coruña FS, aprazado ata 2016



Os pupilos de Juanma volverán á competición o 9 de xaneiro (Vista Alegre, 16.00 horas) pechando a primeira volta, coa 11ª xornada, prevista en calendario para este sábado.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.