16/10/2015

Lara: 'Temos que facer un partido moi completo para gañar en Majadahonda'

Lara: 'Temos que facer un partido moi completo para gañar en Majadahonda'

A quinta xornada de Primeira RFEF levará mañá o CD Burela FS Pescados Rubén á pista do Majadahonda FSF Afar4 (La Granadilla, 20.00 horas); a undécima praza das de Madrid (4 puntos) poñerá a proba o coliderado laranxa (12 puntos). “Temos que facer un partido moi completo para gañar. É unha pista moi complicada; o ano pasado conseguimos empatar ao final e case deixamos a liga alí” advertía Lara Balseiro fuxindo de carteis de favoritos, despois de congraciarse co gol ante o Poio por partida dobre.



A moza viveirense, unha das incondicionais do cadro burelista, deixou claro que os seus problemas físicos arrastrados desde a tempada pasada xa quedan lonxe. “Estou moi contenta; xa podo adestrar con normalidade e axudar as miñas compañeiras. O sábado volvín e todo saíu redondo; axudei con dous goles e sumamos tres puntos para seguir traballando con ganas e ir paso a paso” explicaba a 10 burelista, moi ilusionada co grande inicio do equipo pero tamén mostrándose cauta co longo percorrido que queda por diante. “A liga vai ser moi complicada; o Atlético está intratable, goleando. Nós debemos facer o noso traballo partido a partido”.



Lucas poderá dispoñer de todo o vestiario laranxa a excepción de Emma e Judith, coma na xornada pasada, por lesión. A expedición partirá mañá ás 9.30 horas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.