10/10/2015

O Burela perde por 6-2 ante un DLink Zaragoza máis efectivo

O Burela Pescados Rubén regresa de Zaragoza cunha derrota por 6-2 nun partido igualado con fases alternas no dominio do xogo pero a maior efectividad local condenou aos mariñanos a regresar sen carga de terras aragonesas.
O Burela perde por 6-2 ante un DLink Zaragoza máis efectivo
Na primeira parte a escuadra burelesa logrou anular a presión do DLink Zaragoza cunha boa circulación e xerou oportunidades para adiantarse no marcador. Iago Rodríguez, Chano e Isi gozaron de ocasións para referendar o mellor xogo laranxa pero un zarpazo de Caio Alves situou o 1-0 e tranquilizou ao seu equipo. O Burela Pescados Rubén acusou momentaneamente este golpe pero respondeu por mediación de Bellvert. O choque equilibrouse novamente pero o 2-0 logrado por Adri Ortego tras un roubo próximo ao área mariñá provocou os mellores momentos do Zaragoza. O Burela respondeu con Chino como porteiro xogador, minuto 16, e o seu atrevemento tivo premio co gol de Iago Rodríguez.

Co 2-1 chegouse ao descanso e na continuación ambas escuadras continuaron protagonizando un partido aberto e con alternativas pero nunha acción desafortunada para os burelaos chegou o 3-1. Unha falta lateral rebota na barreira laranxa e descoloca a Edu que non puido evitar o tanto. O terceiro gol dos maños propiciou certa ansiedade no xogo laranxa que non lograba atopar o camiño do primeiro periodo. A oito para o final os mariñaos volveron xogar de cinco aínda que sen demasiado acerto na finalización. Retamar si que afinou a puntería para marcar o 4-1 e acto seguido, minuto 38 produciuse un intercambio de golpes, Nano Modrego situou o 5-1 mentres que Iago Rodríguez marcou o 5-2. No último suspiro Caio Alves materializou o 6-2 final.

Ficha técnica

DLink Zaragoza: Bernad, Retamar, Víctor Tejel, José Carlos, Nano Modrego –cinco inicial- Adri Ortego, Óscar, Richi Felipe, Caio Alves, Jorge Santos, Víctor López.

CD Burela FS Pescados Rubén: Edu, Isi, Chino, Iago Rodríguez, Chano –cinco inicial- Bellvert, Hélder, Iago Míguez, Antoñito.

Goles: 1-0, m.7, Caio Alves; 2-0, m.14, Adri Ortego; 2-1, m.17, Iago Rodríguez; 3-1, m.26, Adri Ortego; 4-1, m.37, Retamar; 5-1, m.38, Nano Modrego; 5-2, m.38, Iago Rodríguez; 6-2, m.40, Caio Alves.

Árbitros: Bernabéu Haro, Rabadán Sáinz. Colexio valenciano.

Incidencias: Partido correspondente á quinta xornada da Primera División da LNFS. Disputado no pavillón Siglo XXI de Zaragoza.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.