Comunicado Oficial dos Clubs da LNFS

Trala reunión mantida este mércores en Madrid, os Clubs da LNFS desexan comunicar os seguintes acordos alcanzados por unanimidade: 1.- Os Clubs da LNFS desexan amosar o seu respecto ao dereito a folga de calquera traballador. 2.- De igual modo, amparados polo dereito ao traballo, os Clubs da LNFS manifestan que a disputa da competición programada no calendario deportivo levarase a cabo. 3.- Os actuais Clubs que forman a LNFS rexeitan a petición da AJFS de crear un fondo de garantía salarial de 320.000 euros o primeiro ano, 330.000 euros o segundo e 340.000 euros o terceiro, que inclúe tamén o pago de débedas por pactos de palabra, sen control fiscal de clubs desaparecidos ou mal xestionados que pertenzan á LNFS durante algún periodo ou a totalidade da tempada, é rexeitado por consideralo impropio e irreal. 4.- A LNFS non acepta nin recoñece outro contrato que non sexa o oficial, que estea depositado na LNFS, e no que se reflicte o pago de Seguridade Social e IRPF. 5.- Desde que fai tres anos se constituíu a Comisión Mixta (clubs, xogadores e RFEF), todas as denuncias por incumplimiento de contratos oficiais foron falladas e cobradas polos xogadores. 6.- Ante a petición de crear un fondo social para a AJFS de 25.000 euros o primeiro ano, 30.000 euros o segundo e 35.000 euros o terceiro, os clubs da LNFS non consideran adecuado financiar á AJFS, tendo en conta de que é unha institución privada e allea á LNFS, así como tamén porque se podería considerar unha inxerencia na súa independencia. 7.- Segundo o acordado na Xunta Directiva e na reunión de Clubs do pasado 8 de Xullo, a LNFS desexa asinar un Convenio coa AJFS que non poña en risco a viabilidad dos clubs actuais, dos seus xogadores de Primeira e Segunda División e os seus empregados, e sempre que este Convenio obrigue a todas as partes (clubs e xogadores) a cumprir coas obrigacións legais e fiscais. Departamento de Comunicación Liga Nacional de Fútbol Sala