14/07/2015

Bea Mateos renova co Burela Pescados Rubén

Bea Mateos renova unha tempada máis co CD Burela FS Pescados Rubén tras asinar un acordo que “foi moi rápido xa que a miña prioridade era quedarme en Burela” manifestou a xogadora salmantina que estivo acompañada por Manuel Blanco e Rubén B
Bea Mateos renova co Burela Pescados Rubén
Con esta renovación Bea Mateos cumprirá o seu terceiro ano no club mariñao, tempada na que espera “regresar á miña mellor versión xa que entre os altibaixos do equipo e a miña lesión non puiden ofrecer o rendemento do meu primeiro ano en Burela”. Respecto da tempada finalizada comentou que “foi moi difícil porque non mostramos a regularidade necesaria. En Liga despedímonos moi pronto das opcións reais polo título e a traxectoria era descendente aínda que na recta final logramos enderezar o rumbo para clasificarnos para a Copa e disputar unha final na que demos a cara” . O subcampionato da Copa de España “deixounos mellores sensacións aínda que non podemos dicir que estabamos contentas”. Na nova tempada Bea Mateos está convencida de que “teremos un equipo competitivo. O Burela Pescados Rubén sempre amosou esa filosofía e volveremos competir polos títulos. A nosa ilusión é darlle á afección moitas alegrías, meréceno de sobra”. O presidente do club, Manuel Blanco, celebrou a continuidade de Bea Mateos xa que “é unha xogadora de calidade contrastada e que aporta moitas cousas ao equipo. O interese para chegar a un acordo de renovación era mutuo polo que foi sinxelo formalizalo. Desexamos que Bea Mateos siga contribuíndo co seu esforzo e compromiso aos obxectivos do equipo”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.