17/04/2015

Mata, intervido con éxito

Mata, intervido con éxito

O pichichi do Burela FS Pescados Rubén, Jorge Valhermoso Matamoros, foi intervido con éxito esta mañá na Clínica Cemtro de Madrid. O doutor Enrique Ibáñez, especialista en Traumatoloxía, Ortopedia e Medicina do Deporte, foi o encargado de realizar a intervención do xogador por un desgarro do ligamento cruzado anterior do xeonllo esquerdo.



O pivote laranxa viuse obrigado a abandonar a pista fronte ao Uruguay Tenerife o 28 de marzo; ademais da devandita lesión, as probas tamén revelaron unha pequena rotura do menisco externo e leve escordarua de ligamento lateral interno. O xogador, que será dado de alta nos vindeiros días, comezará un proceso de recuperación de 6 ou 7 meses na súa casa, en Madrid, arroupado pola súa familia.



O vicepresidente do CD Burela FS Pescados Rubén, José Luis Sáez, quixo agradecer e destacar “a predisposición e profesionalidade con que o xogador está sendo tratado na clínica Cemtro e especialmente polo doutor Ibáñez”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.