2020/21 Club deportivo Burela Fútbol Sala Único club con equipos masculino e feminino en primeira división
Pescados Rubén
Novas
16/04/2015
O Cadete estréase no Campionato Provincial

O Burela FS Cadete B estrearase este sábado no Campionato Provincial, en cuartos de final, medíndose á EDM Begonte; o encontro será ás 19.00 horas, na Casa do Deporte de Lugo.


O conxunto cadete, coa clasificación xa asegurada de subcampión da liga comarcal, disputará mañá un partido aprazado fronte ao Adarve, na capital luguesa.


A axenda da base para esta fin de semana tamén inclúe o sábado as competicións de Liga Provincial Feminina, con desprazamento á pista do Castro FSF, pola tarde, e División de Honra Xuvenil, con visita a Bueu, pola mañá.


Galicia Sub-16


O meta Luismi Nieto e o ala-peche Daniel Bertolo defenderán a Galicia Cadete esta fin de semana na fase final do Campionato de España de Seleccións Autonómicas, que se disputará en Sarria. Os irmandiños mediranse o sábado, en semifinais, a Aragón (13.00 horas); antes, ás 11.00 horas, enfrontaranse Cataluña e Valencia. A final está prevista para o domingo ás 12.00 horas.

Publicidade
X Pechar