21/02/2015

O Burela Pescados Rubén roza a sorpresa ante ElPozo Murcia

O Burela Pescados Rubén a piques de dar, outra vez, a sorpresa no Palacio dos Deportes de Murcia onde ElPozo Murcia conquistou os tres puntos tras vencer (5-4) cun gol de Álex no último minuto. O conxunto de Juanlu Alonso realizou un excele
O Burela Pescados Rubén roza a sorpresa ante ElPozo Murcia
O choque comezou cun ritmo trepidante e os murcianos adiantáronse pronto por mediación de Grello. A pesar do 1-0, o Burela Pescados Rubén non se amedrentou plantando cara e ofrecendo un gran nivel de xogo. O premio chegou co empate (1-1) conseguido por Matamoros, minuto 9. Ambas escuadras buscaban con descaro a meta contraria con alternancia no control do xogo. O marcador desequilibrouno Álex, o meta laranxa observou a posición adiantada de Iago Barro, debut do mariñao cos murcianos, para marcar o 1-2 que fixo ver aos de Duda que os galegos pelexarían a vitoria. Con ritmo, ocasións e emoción chegouse ao tramo final do primeiro periodo no que Lima sacou a relucir a súa clase para igualar a contenda (2-2) pero sen respiro Antoñito volveu situar en vantaxe aos burelaos. Co 2-3 alcanzouse o descanso e na segunda parte idéntico guión con dous equipos ofrecendo un bo espectáculo deportivo. E como a salsa son os goles, Miguelín tirou de galóns para establecer un novo empate (3-3) e acto seguido Chano devolveu o golpe situando o 3-4, minuto 28. Sen tregua para coller osíxeno, reaccionaron os murcianos co gol de Adri que levaba de novo as táboas ao marcador (4-4), minuto 30. Tras varias escaramuzas en ambas trincheras abordouse o tramo final coas espadas en todo o alto. Os murcianos apostaron por xogo de cinco e a punto estivo o Burela Pescados Rubén de sacar tallada pero non aproveitou a súa oportunidade e no minuto final Álex marcou o tanto da vitoria (5-4) dun vistoso e trepidante encontro. Ficha técnica ElPozo Murcia: Fede, Adri, Grello, Lima, Álex –cinco inicial- Iago Barro, Bebe, Juampi, Miguelín, Raúl Campos, Ique. Burela Pescados Rubén: Álex, Jorge Bellvert, Antoñito, Iago Míguez, Matamoros –cinco inicial- Isi, Behroz, Carlitos, Miguel, Chano. Goles: 1-0, m.3, Grello; 1-1, m.9, Matamoros; 1-2, m.Álex; 2-2, m.18, Lima; 2-3, m.19, Antoñito; 3-3, m.27, Miguelín; 3-4, m.28, Chano; 4-4, m.30, Adri; 5-4, m.39, Álex. Árbitros: Bernabeu Haro, López Jiménez. Cartón amarelo a Grello e Lima en ElPozo e a Isi, Carlitos, Matamoros e Antoñito no Burela.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.