30/12/2014

Inter Movistar, rival laranxa para a Copa de España Cidade Real 2015

Inter Movistar, rival laranxa para a Copa de España Cidade Real 2015

O CD Burela FS Pescados Rubén xa coñece o rival de cuartos na súa estrea na Copa de España. O equipo laranxa viaxará a Cidade Real para enfrontarse ao actual campión de Liga e de Copa, Inter Movistar, o 12 de marzo de 2015, na xornada inaugural do campionato; precisamente os mariñáns darán a benvida ao ano este sábado na pista dos interistas coa 16ª xornada de Primeira División LNFS (18.00 horas).



“Xogaremos cun dos tres mellores equipos; sabiamos que había moitas posibilidades, pero tamén estamos contentos porque nos toca un dos partidos do xoves e se conseguimos pasar de cuartos teremos o venres de descanso, como queriamos, para recuperarnos” explicaba así o técnico laranxas as súas primeiras impresións tras o sorteo. “Será un campionato equilibrado; os grandes non se medirán ata semifinais e o resto iremos co obxectivo de estragar as previsións” opinaba o burelista.



Juanlu Alonso coincidiu co representante laranxa no sorteo de Cidade Real, Jorge Bellvert, en que a “participación do Burela FS na Copa xa é todo un premio; é unha cita para gozar”, puntualizando ademais sobre o afán de superación dos da Mariña: “Somos un equipo competitivo, en cada partido saímos a gañar e non imos cambiar a nosa filosofía. Sabemos que será difícil; intentaremos chegar aos últimos dez minutos con opcións e despois pode pasar de todo” explicaba Juanlu.



Ao acto do Teatro Quijano, emitido en directo por Teledeporte e presentado polo xornalista Jesús Álvarez, tamén acudiron o presidente e o vicepresidente do club laranxa, Manuel Branco e José Luis Sáez.




Emparellamentos de cuartos de final:



Xoves 12 de marzo de 2015



ElPozo Murcia FS-Jaén Paraíso Interior



Inter Movistar-Burela FS Pescados Rubén



Venres 13 de marzo de 2015



Magna Navarra-Palma Futsal



FC Barcelona-Aspil Vidal Ribera Navarra FS

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.