10/10/2014

Palma Futsal 6-3 Burela FS

Palma Futsal 6-3 Burela FS

O Burela FS Pescados Rubén non puido materializar a segunda vitoria da tempada esta tarde en Son Moix ante Palma Futsal (6-3). Aínda que os de Juanlu souberon repoñerse ante o 2-0 en contra dos minutos iniciais e reducir distancias antes do descanso, no segundo período perdoaron demasiado ante un acertado Barrón e os locais aproveitaron para ampliar a fenda.



Aínda que os mariñáns saíron buscando a presión foi o Palma o primeiro en inaugurar o electrónico e por partida dobre, con Taffy como estilite e Joselito, á contra, nos minutos 6 e 7. Non se amilanou o Burela FS, que o intentou con Iago Míguez só ante o meta balear sen éxito, pero si que puido recortar distancias Isi, minuto 9 (2-1). Os de Juanlu buscaron dar a volta ao marcador con moito perigo. Hélder e Matamoros intentaron sorprender a Barrón; o 10 laranxa aínda dispuxo dun par de balóns rozando o descanso ante os que de novo o meta local soubo reaccionar.



Saíron á carga os laranxas na segunda parte. A ocasión de Chicho, no minuto 22, non impacientou as hostes burelistas, que atacaron sobre a portería insular con Iago Míguez, Matamoros e Hélder, con grandes saídas de Carlos Barrón. A fortuna que lles faltou aos de Juanlu enseguida a atoparon os de Juanito para anotar o 4-1, cun contraataque finalizado por Vadillo (minuto 27) e lanzamento de Burrito (minuto 29). Tras o gol do malagueño, Juanlu apostou por xogo de cinco no 30 con Antoñito como baluarte. Tras unha nova tentativa de Mata sobre Barrón, chegou o tan merecido tanto dos laranxas, nas zapatillas de Jorge Bellvert (minuto 35). Con 4-2, a finalización do 10 burelista non atopou a rede local e de novo aproveitou a oportunidade o Palma, á contra, batendo a Antoñito (5-2, minuto 36). A dous minutos para o final, Barrón volveu desbaratar as pretensións mariñás, sacando un balón da liña de meta. Vadillo subiu o 6-2 no último minuto sen meta nas filas galegas. Xa sen porteiro-xogador, Jorge Bellvert anotou o 6-3 final a escasos segundos para o final sen tempo para máis.



Ficha técnica



Palma Futsal: Carlos Barrón, Vadillo, Chicho, Burrito e Taffy, no cinco inicial; tamén xogaron Tomaz, Lemine, Joselito, Paradynski, Pope



Burela FS Pescados Rubén: Edu, Jorge Bellvert, Iago Míguez, Isi e Matamoros, no cinco inicial; tamén xogaron Miguel, Antoñito, Chano, Hélder, Ángel



Goles: 1-0, minuto 6, Taffy; 2-0, minuto 7, Joselito; 2-1, minuto 9, Isi; 3-1, minuto 27, Vadillo; 4-1, minuto 29, Burrito; 4-2, minuto 35, Jorge Bellvert; 5-2, minuto 36, Taffy; 6-2, minuto 39, Vadillo; 6-3, minuto 40, Jorge Bellvert



Tarxetas: Por Burela amarela a Edu, Isi e Miguel.



Árbitros: Bernabeu Aro // Sánchez Ayala

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.