O Burela Pescados Rubén oficializa as fichaxes de Gaby e Tainã

As xogadoras brasileiras pousaron coa elástica laranxa acompañadas por Manuel Blanco, presidente, e Alba Vila, directiva responsable do equipo feminino que celebra a incorporación de “ambas xogadoras xa que son deportistas contrastadas, teñen calidade e experiencia. Serán un gran reforzo para o equipo para poder competir con garantías”. Pola súa banda, o presidente indicou que “son xogadoras que nos van aportar moito e permitirán ao equipo unha maior rotación. Estamos convencidos que se adaptarán perfectamente á dinámica do equipo e que nos darán moitas alegrías”.

Gabriela Vila Real Macedo, coñecida deportivamente como “Gaby”, ten 27 anos e xoga como á-peche aínda que ten moita chegada como demostrou no amistoso disputado ante o Viaxes Amarelle no que logrou un hat-trick e deu mostras da súa calidade. Gaby é unha xogadora contrastada e de garantías, internacional con Brasil; coa selección absoluta xa gañou 3 mundiais (2010, 2011, 2012) e coa universitaria os de 2010 e 2012. Respecto de o seu fichaje pola escuadra mariñana declarou que “é un gran desafío xogar neste equipo. Veño con moitas ganas de axudar ao equipo para competir polos títulos e que a reconquista fágase realidade”. Na mesma liña mostrouse Tainã dos Santos que engadiu que a súa integración ao equipo “está sendo moi positiva. A xente estanos dando moitos ánimos, estámosnos adaptando perfectamente a Burela que é un lugar pequeno pero moi acogedor”. Tainã ten 24 anos e xoga como á-pivot, e do mesmo xeito que Gaby, chega con mentalidad ganadora “en Rusia proclamámosnos campioas de Liga e vimos ao Burela Pescados Rubén coa mesma motivación. Queremos axudar ao equipo a conseguir a reconquista”.