24/05/2014

Derrota en Pamplona e título de campión para o Atlético de Madrid

O Burela Pescados Rubén caeu na pista do Lacturale Orvina (5-3) e cedeu o trono ao Atlético de Madrid que derrotou ao Roldán (2-4) proclamándose campión de Liga.
Derrota en Pamplona e título de campión para o Atlético de Madrid
O conxunto mariñao non encontrou o camiño para abrir a lata pamplonica nunha primeira parte con poucas ocasións. Na continuación, o Burela Pescados Rubén comezou con maior claridade pero recibiu un dobre golpe das navarras. María Talavera, por partida dobre, adiantou ao seu equipo (2-0) no minuto 24. Con este marcador as locais reforzaron a súa moral ante un Burela Pescados Rubén que apostou polo xogo de cinco para cambiar a dinámica do encontro, a falta de 12 minutos para o desenlace. Claudia recortou distancias (2-1) pero as navarras responderon con prontitud (3-1) por mediación de Maialen. Sen respiro as laranxas volveron entrar no choque co gol de Maite (3-2) pero no tramo final de encontro o Orvina golpeou definitivamente a nave laranxa con dous goles desde propia pista (5-2). No último suspiro Peque situou o definitivo 5-3.

Noraboa ao Atlético de Madrid polo título de Liga. En especial a Rosana, xogadora mariñá do conxunto colchoneiro.

Ficha técnica

CD Orvina: Rebeca, Maialen, Jessica, Cristina, Maite –cinco inicial- Fabiola, Irune, María Talavera, Aiora.

CD Burela Pescados Rubén: Patri, Peque, Bea Mateos, Claudia, Daniela – cinco inicial- Lara, Maite.

Goles: 1-0, m.24, María Talavera; 2-0, m. 24, María Talavera; 2-1, m.29, Claudia; 3-1, m. 32, Maialen; 3-2, m. 33, Maite; 4-2, m.39, Jessica; 5-2, m.39, Jessica; 5-3, m.39, Peque.

Árbitros: Javier Díaz, Javier López. Colegio navarro. No Burela Pescados Rubén cartóns amarelos a Maite m.19, m.38; Bea Mateos, m.36; Peque, m.38; Claudia m.39.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.