Firma do Plan de Patrocinio da Fundación Deporte Galego

O vicepresidente do CD Burela FS Pescados Rubén, José Luis Sáez Castro, acompañado polos capitáns do equipo masculino e feminino, Juanma e Lidia, e os canteiráns Carlitos e Paula, asistiron durante a mañá de hoxe, luns 14 de abril, ao acto protocolario da firma do Plan de Patrocinio dos equipos de alta competición 2013/2014 da Fundación Deporte Galego. Os clubs lucenses, do mesmo xeito que en edicións precedentes, procederon a selar o acordo no Edificio Administrativo da Xunta de Galicia en Lugo que contou coa presenza do Secretario Xeral para o Deporte da Xunta de Galicia, José Ramón Lete Lasa, que eloxiou ao CD Burela FS Pescados Rubén por ter na elite tanto ao seu equipo feminino coma masculino.