07/04/2014

Proba superada e recta final na loita polo título

Proba superada e recta final na loita polo título
O Burela Pescados Rubén B superou a proba de Bueu onde venceu por 5-8 nun choque con alternativas, intensidade e emoción ata o final. Os pupilos de Lucas lograron liquidar un choque no que tras un mal arranque remontaron nunha segunda parte de toma e daca contínuo, cun hat trick de Carlos. Xoel aumentou a renda laranxa pero o Bueu reaccionou para situarse por diante (5-4) a sete do final. Un novo tanto de Carlos, o cuarto na súa conta particular, igualou de novo o encontro e Manu certificou a remontada con dúas tantos máis no sprint final, Antón redondeou a vitoria (5-8) da escuadra mariñá que suma tres puntos vitais na súa loita polo título de campión de Terceira División. Recta final. A falta de 2 xornadas para o final da competición Pazos de Borbén lidera a clasificación con 48 puntos, A Estrada, Burela Pescados Rubén B e Leis Pontevedra ocupan a segunda, terceira e cuarta posición respectivamente con 47 puntos. O quinteto de candidatos ao título complétao o Santiago Futsal B con 46 puntos. Próxima xornada. Na próxima xornada, penúltima, o Burela Pescados Rubén B recibe ao Carballiño, sábado día 12, ás 16.00 horas, no pavillón Vista Alegre de Burela. Bueu: Hugo, Esteban, Congui, Toño, Roma ?cinco inicial- Rodrigo, Samuel, Adrián. Burela Pescados Rubén: Brais, Keko, Manu, Antón, Alemán ? Carlos, Pancho, Xoel, Javi. Goles: 1-0, m.2, Esteban; 2-0, m.3, Adrián; 2-1, m.9, Carlos; 2-2, m.24, Carlos; 2-3, m.25, Carlos; 2-4, m.26, Xoel; 3-4, m.27, Roma, 4-4, m.30, Roma; 5-4, m.33, Congui (dp); 5-5, m.34, Carlos; 5-6, m.37, Manu; 5-7, m.39, Manu (dp); 5-8, m.39, Antón.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.