03/04/2014

Dobre brillo laranxa na final da Copa Galicia

Dobre brillo laranxa na final da Copa Galicia

O Burela FS Pescados Rubén xa é finalista da XXIII Copa Galicia, grazas ao 2-4 de onte nos Os Remedios ante o Cidade das Burgas, con hattrick da capitá, Lidia Mesías. Deste xeito, as pupilas de Quico Otero suman a súa clasificación á do cadro de Juanlu, que se impuxo en semifinais ao actual campión, Azkar Lugo (1-0).



As burelistas tiveron que remar contra un electrónico adverso. O Cidade das Burgas conseguiu adiantarse, xa no minuto 6, de Sonia. No entanto, co paso dos minutos, Lidia puido devolver as táboas, no 17, para chegar ao descanso con 1-1.



A intensidade das da Mariña axiña lles trouxo boas novas. Bea Mateos ampliou distancias no minuto 22 e Lidia subiu o 1-3 no 25. A falta de oito minutos para o final, as locais optaron pola saída da porteira xogadora e enseguida obtiveron resultados; Figo anotou o 2-3 (minuto 32). O Cidade dispuxo de boas ocasións ante a férrea defensa laranxa, coa sentenza de Lidia no 36, co 2-4 definitivo.




A Malata



O pavillón ferrolán da Malata acollerá a final da XXIII Copa Galicia o xoves 1 de maio, baixo a organización do Comarcal A Fervenza FSF, da Segunda División. Ás 17.00 horas disputarase a cita feminina entre o Ponte Ourense e burelistas e ás 19.00 horas saltarán á pista os laranxas para medir as súas forzas ao Santiago Futsal. A cita futbolística contará ademais cun heteroxéneo programa de actividades complementarias.



 



Ficha técnica



Cidade das Burgas: Ana, Sonia, Nerea, María Arias, Vanessa -cinco inicial- Candela, Natalia, María Romero, Figo, Peke, Iria, Elena.



Burela FS Pescados Rubén: Patri, Peque, Bea Mateos, Lidia, Claudia -cinco inicial- Lara, Daniela, Maite.



Goles: 1-0, m.6, Sonia; 1-1, m.17, Lidia; 1-2, m.22, Bea Mateos; 1-3, m.25, Lidia; 2-3, m.32, Figo; 2-4, m.36, Lidia.



Árbitros: Andrés García // Javier Arca



Tarxetas: Amarelas a Nerea, Iria, Sonia, de Cidade

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.