22/02/2014

Tres puntos valiosos

Vitoria emocionante do Burela Pescados Rubén ante o Universidade de Alacante (4-3) nun partido moi disputado e equilibrado que Peque decantou no tramo final. O triunfo laranxa permítelle á escuadra de Quico Otero manter o ronsel do líder, A
Tres puntos valiosos
O encontro disputado en Vista Alegre resultou igualado con momentos favorables para ambos conxuntos sendo o Burela Pescados Rubén o que comezou mellor o choque. Durante o dominio inicial das burelesas lograron unha renda de 2-0 con goles de Bea Mateos, tras disparo desde a frontal, e Peque culminando unha rápida transición, minuto 9 de partido. Intentaron crear maior perigo as alicantinas pero o Burela anuló a súa reacción e chegouse ao descanso co 2-0. No segundo acto, chegou a mellor fase para o Universidade de Alacante que sorpredeu ao Burela e logrou empatar (2-2) no minuto 27. O intercambio de golpes foi en aumento e nunha boa xogada Lidia lograba o 3-2, cun potente disparo no minuto 32. Non tardou en chegar a resposta levantina para empatar, outra vez, o duelo sendo Mónica a protagonista. Sen tregua ambas escuadras apuraban as súas opcións de vitoria e a balanza inclinouse do bando local co 4-3 conseguido por Peque, minuto 38, selando un importante triunfo na loita pola Liga. Ficha técnica Burela FS Pescados Rubén: Jozi, Peque, Bea Mateos, Claudia, Lidia -cinco inicial- Daniela, Lara. Universidade de Alacant: Toñi, Txitxo, Andrea, Amelia, Sareta –cinco inicial- Pao, Andrea, Mónica. Goles: 1-0, m.6, Bea Mateos; 2-0, m.9, Peque; 2-1, m.21, Sareta; 2-2, m.27, Andrea; 3-2, m. 32, Lidia; 3-3, m.35, Mónica; 4-3, m.38, Peque. Árbitros: Cubero Díaz, Zarza Sánchez. Asturias. Amosaron cartón amarelo a Pao, m.22, do Universidad de Alicante. Incidencias: Partido correspondente á xornada 19 da Primeira División. Pavillón Vista Alegre de Burela, 500 espectadores.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.