14/02/2014

O cadro de Lucas visita o Vilalba FS, farol vermello

O cadro de Lucas visita o Vilalba FS, farol vermello

O Burela FS Pescados Rubén B visita este sábado o Vilalba Peugeot FS , farol vermello de Terceira. O duelo provincial arrincará ás 18.00 horas, no municipal da vila chairega.



 Dende a sétima praza, con 26 puntos, os laranxas desprázanse para facerse co triunfo ante un rival que só leva 9 puntos en 17 encontros. Os locais non puntúan dende a décimo terceira xornada, cita na que se impuxeron ao Ribeira FS por un rifadísimo 7-6; o resto dos puntos puido arrincalos na casa co Santiago Futsal (3-2, xornada 4) e A Fuga Xove FS (2-2, xornada 11) e fóra co Pazos de Borbén (1-1, xornada 3) e Supertir A Pontenova (2-2, xornada 7).



O técnico mariñán espera un encontro co mesmo corte da primeira volta, no que os laranxas se impuxeron por 5-2. “Veremos un rival moi pechado, que esperará o noso erro para aproveitalo, como xa se viu en Vista Alegre” adiantaba Lucas, facendo un chamamento á concentración dos seus xogadores porque “cos equipos de abaixo acostumamos a ofrecer peor imaxe da que deberiamos e cometemos algunhas imprecisións un pouco inxenuas”. “Co regreso de Luis de Cospeito o rival subirá un chanzo”, advertía o adestrador burelista.



Sen  Antón Couto, con lesión de clavícula, nin Carlitos, convocado para Primeira LNFS, Lucas poderá contar de novo con Manu, tras a sanción dun partido imposta na Estrada.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.