07/02/2014

Tarde de derbis

Tarde de derbis

O Burela FS Pescados Rubén B abrirá mañá unha tarde de derbis en Vista Alegre (16.00 horas). A Terceira División acollerá a 17ª xornada entre os laranxas e o Superti A Pontenova, un apetitoso duelo mariñán como antesala da pugna galega de Primeira División RFEF, coa visita do Valdetires Ferrol FSF (18.30 horas).




Á convocatoria de Lucas poderán volver Bruno de Nois e Brais, recuperados das súas respectivas lesións. Quen aínda non poderá estar será Antón Couto, cunha lesión de clavícula; tampouco poderá participar na cita Manu Jiménez, sancionado cun partido de suspensión tras a dobre amarela da semana pasada na Estrada.




O Burela FS chega ao encontro na sétima praza, con 23 puntos, fronte á undécima do rival, con 17 puntos. “Como en calquera derbi, a motivación será a gran protagonista na cita” adiantaba Lucas, prognosticando un partido moi diferente ao da primeira volta, que caeu do lado pontenovés (5-3), polos cambios nas filas rivais: “Dende finais de ano están ás ordes dun novo adestrador e tamén tiveron baixas como Solla e Carlos”. “Fáltalles algo de profundidade de banco pero están facendo un bo xogo; veñen de empatar ao Santiago Futsal (3-3) nun partido moi rifado” advertía o técnico mariñán.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.