05/11/2013

Matamoros súmase a Antoñito na lista de convocados de España ante Grecia (Murcia, luns 11)

Matamoros súmase a Antoñito na lista de convocados de España ante Grecia (Murcia, luns 11)

O máximo goleador burelista, Jorge Valhermoso Matamoros, sumouse a Antoñito na lista de convocados de Venancio López para o partido homenaxe a Kike Boned entre España e Grecia, que terá lugar o luns 11 de novembro, no Palacio dos Deportes de Murcia.



Para ambos os xogadores esta será a segunda oportunidade coa Vermella no que vai de tempada. Antoñito estreouse como internacional absoluto na última cita do combinado español, a semana pasada en Portugal. Matamoros participou nos compromisos ante Bélxica en Ceuta a finais de setembro.



Esta é a semana por excelencia dos internacionais laranxas. Xunto ao chamamento dos pupilos de Juanlu, tamén foi reclamada a presenza das burelistas Lida Mesías e Peque na concentración que a Selección Española Feminina realizará nas Azores entre o domingo 10 e o xoves 14 de novembro; durante esta estancia, o combinado de Venancio López disputará dous amigables fronte a Portugal, o 12 e 13 de novembro (19.30 horas).



Galicia Cadete. A Selección Galega Cadete tamén comeza a quentar motores con miras ao Campionato Nacional de España. O xogador do CD Burela FS Peixes Rubén Alejandro García, Mini, participará no adestramento previsto para este venres, 8 de novembro, no pavillón compostelán Monte dos Postes (17.00 horas).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.